قارقارئشئخ

قارقارئشئخ

گولمه جه

+0 به یه ن

بؤلوم : ساتاشما

ايكي جوره " جان " :
اؤغلان، آداخلي سينا : سن منيم جانئم سان ....
همن اؤغلان، اللي ايلدن سؤنرا : آللاه، جانئمي آل، ياخامي قورتار!
-----------------------------------------------------
دوكتورون مطبينده : درين ده ن نفس چك.....
- چكنمه ره م، قالين دي!
-----------------------------------------------------
بازار آغزئندا : سيگار ايستيرديم
- بوكس اينان؟
- يوخ داداش، منده اؤ جان يوخدو، وئريسه ن ديل ايله وئر!
-----------------------------------------------------
ائويز هاردادي؟
-گئديب دده سي ائوينه !
-----------------------------------------------------
آينانئن ايچينده كي شكيل : بير بئله كي باشئوئن اوستونه يئتيرشيرسه ن، ايچينه ده يئتيشسه ايدين، ايكيميز ده بخته ور اؤلموشدوق!
-----------------------------------------------------
منده ن سنه وصيت : هئچ واخت قانماز آدام لا آغئز آغئزا وئرمه.
- پس با اجازه !
-----------------------------------------------------
- من ئؤلوده ن قؤرخارام.
- به نيه آينايا باخاندا قؤرخمورسان....؟!
-----------------------------------------------------


بير نفر شخص اؤز حافظه سيندن هوشوندان مجلسده تعريف ائدر دئييردى:
هر نه منيم حافظه مه تاپشيريلسا، محالدير ياديمدان چيخسين.
بير نفر بو سؤزهاعتراض ائديب دئدى:
فكر ائله ميرم بو سؤز دوزگون اولسون، چونكى بير ايل بوندان اؤنجه مندن بورج آلميسان اصلآ ياديندا ده ييل وئره سن.
اؤزونو تعريفليين شخص دئدى: علتى بودور كى او پول منيم جيبيمه گيريب حافيظه مه يوخ.



بئله كي سن ساليسان چئن له دومانليق باهاليق
رحم ائت آنجاق كي يامان بير گونه قالليق باهاليق
گون به گون قالخيسان هئچ يئنميسن ها! بير آشاغي
يئنسن هر ماهني دئسن بيز سنه چالليق باهاليق
ايستي سن فتح ائده سن ،سن «اورست»قولله سيني؟
سن اوچون هر نه دئسن يئن يئره آلليق باهاليق
بئله سورعت گوتوروب اولمويا تورموز قيراسان!
يوخسا يوخ دنده سنين!سالما طوفانليق باهاليق!
بيزده يوخ تاب و توان رحم ائله بير آزجا دايان
سوفره ميز بوشدور اينان يوخدو دامازليق باهاليق
بوكولوبدور بئليميز آخ! زارا گلديك سن ايله
لاپ قوجاتدين بيزي آي داد! جاوانليق !باهاليق
بير عومور بيز سنه بو عمري اوتوزدوق باهاليق
اوتوزان عمري مگر بيرده قازانليق؟ باهاليق
نه قه در وئرسه له «يارانه» يئنه قد وئرمز
آخي هر «فاز»دا سالير شهره قارانليق باهاليق
آمان آللاه ! بيزي قورتار بو هيولانين اليندن
داها هئچ ميللته گوسترمه يامانليق، باهاليق!
مجيد جعفرزاده كسياني(بي نام)


یازار : ائشيلداق پنجشنبه 27 مهر 1391 | باخیش لار (1)

آنا ديلي نه دن آنا ديلي آدلانير؟

+0 به یه ن

بؤلوم : ساتاشما

معلليم شاگيرددن سوروشدو: نييه دئييرلر «آنا ديلي»، دئمه ييرلر «آتا ديلي» . شاگيرد جاوابيندا دئدي: ائوده دائمن آنام دانيشيشير و هئچ ماجال وئرمه يير بير كلمه ده آتام دانيشا، بونا گؤره، «آنا ديلي» آدلانيب دير!

یازار : ائشيلداق پنجشنبه 27 مهر 1391 | باخیش لار (0)

دوروم - يرالما - صه ده قه !!!

+0 به یه ن

بؤلوم : ساتاشما

دوروم .......

بير كيشي سحر تئزدن حاماما گئدير حامامدا يويوناندا بير سس ائشيدير كي دئيير ( دوروم ) بير آزدان سونرا بير داها دئيير ( دوروم ) كيشينين جانينا قورخو گلير ديقتلي قولاق آسير سس دئيير: ( دوروم ... دوروم .... دوردوم ) كيشي قورخوسوندان بئلينه باغلاديغي فيته‌نيالينه آليب و اوجا سسله دئيير(دور) سس بيرده دئيير ( دوروم ... دوروم ... دوردوم )
كيشي قورخاقورخا دئيير:دوركوپئيه اوغلودورگورم...سسه دوغرو گئدير ياخلاشاندان سونرا گؤروربير داملا سو دول ايچينه دامير ( دوروم ) سسي گلير ايكي داملا داماندا ( دوردوم ) سسي ائشيديلير

قايناخ: آيدين قوجانين بلاگي





durum ....... bir kişi səhər tezdən hamama gedir hamamda yuyunanda bir səs eşidir ki deyir ( durum ) bir azdan sonra bir daha deyir ( durum ) kişinin canına qorxu gəlir diqqətli qulaq asır səs deyir: ( durum ... durum .... durdum ) kişi qorxusundan belinə bağladığı fitəni əlinə alıb və uca səslə deyir(dur ) səs birdə deyir ( durum ... durum ... durdum ) kişi qorxa qorxa deyir :dur kupeyə oğlu dur gorəm .......... səsə doğru gedir yaxlaşandan sonra görür bir damla su dol içinə damır ( durum ) səsi gəlir iki damla damanda ( durdum ) səsi eşidilir





ائشيديب گولدوم اما اورهدن توتولدوم!!!

يونيورسيته ده اؤيرنجي اولدوغوم زامان" ايلك مكتب ده اوخويان، ايكي ديللي اوشاقلارين تحصيل پروبلئم لري" مؤوضوسوندا، بير آراشديرما ايشي آپاريرديق.
منيم ايشله ديييم مكتب، تبريزين" باهار" محله سينده اولان بير قيز مدرسه سي ايدي. بوتون اشتراك ائدن اوشاقلار، اتفاقي اولاراق سئچيليرديلر و اونلاردان سوروشولان سورولار، ايشين ايجابينا گؤره، فارسجا اولمالي ايدي.
اوچونجو صينيفدان بير قيز اوشاغينين آديني سسله يركن، اليني قالديريب، سئوينج ايله يانيما گلدي. اوشاغين بوتون حركت لريني، گؤز آلتينا آلمالي ايديك. گؤردوم، دايانمادان گؤزونو قيرپير. ندني ني سوروشدوقدا، بئله جواب وئردي :
" خانوم موعلليم! وقتي كه كوتاه بودم، مامانم يئر آلمه مي بريد، رفتم پيشش، بيردن پئچاق رفت تو چشمم، چشمم اينجوري شد."!!!
مليحه عزيز پور



صه ده قه





ايشچي(كارگر؟) جيبيندن 50تومن ليك دمير پول چيخاددي كي سالا صندوق صدقه يه. آنجاق صندوق صدقه نين اوستون اوخوياندان سورا پئشمان اولدو.

صندوق صدقه نين اوستونده يازميشدي :
صدقه عمر را زياد ميكند....




یازار : ائشيلداق پنجشنبه 27 مهر 1391 | باخیش لار (0)

سيد عظيم شيرواني نين لطيفه لري

+0 به یه ن

بؤلوم : ساتاشما

جوحا بير واخت ادّعاي نبوّت ائله¬دي. دئديلر كي، سنين معجزاتين نه¬دير؟
دئدي كي، هر آغاجي كي، چاغيرسام گلير.
دئديلر كي، فلان آغاجي چاغير، گؤره¬ك گليرمي؟
هر نه قدر كي، اونو چاغيردي، آغاج اصلا حركت ائله¬مه¬دي. بس اؤزو آغاجين يانينا گلدي، دئدي كي، انبيا و اوليادا كبر اولماز. اگر او بيزيم يانيميزا گلمه¬سه، بيز اونون يانينا گئدريك.

يئنه بير واخت جوحا ادّعاي ولايت ائله¬دي.
دئديلر كي، نه كرامتله ادّعاي ولايت ائديرسن؟
دئدي كي، او سببه كي، من بيلرم، هر نه آداملارين خياليندان خطور ائله¬سه، خبر وئره¬رم.
دئديلر كي، اگر بيلدين كي، بيزيم خياليميزدان نه كئچير؟
دئدي كي، هاموووز خيال ائديرسيز كي، خدايا، گؤره¬سن جوحا اؤز ادّعاسيندا صادقدير، يا كاذبدير؟

جوحا بير واخت بير يوك بوغدا دگيرمانا آپاريردي. يولدا دئدي كي، اگر بو بوغدالار هاميسي طلا اولسايدي، نه ياخشي اولاردي!
ناگاه بوغدانين چوواللاري دئشيلدي، او بوغدالار يئره داغيلدي.
دئدي كي، خداوندا، بوغدالاري كي، طلا ائله¬مه¬دين هئچ. دخي نه اوچون يئره داغيتدين؟ سنه نه يامانليق ائله¬ميشم؟

دئييرلر كي، بير گون جوحا يول گئديردي، يورولموشدو. دئدي كي، خداوندا، بير مركب منيم اوچون يئتير كي، سوار اولوم، دخي پيادا يول گئتمگه طاقتيم قالمادي. ناگاه بير پيادة ديگر يورولوب يولدا قالميشدي، جوحاني توتوب دالينا سوار اولدو.جوحا نهايتده خشمگين اولوب، دئدي: خداوندا، آلتميش ايلدير كي، آللاهليق ائله¬ييرسن، …. من مگر بئله دئميشديم؟

یازار : ائشيلداق جمعه 11 فروردین 1391 | باخیش لار (1)

بــَ‌ يو بــَ ..

+0 به یه ن

بؤلوم : ساتاشما





دوداقلارينيزدان گولونج قونچاسي دوشمه سين ...



بــَ‌ يو بــَ ..(بال!)

گئتميشم باققال توكانيندان سود آلام.
دئيير پاكتي سود ايسته ييرسن؟
دئديم هه يه.
ائله آغزيمي آچديبم دئيم ب...!
تئز هاوار چكدي: اوغلان قاچ گئت گؤروم!
بو «ب يو ب» لري كيم سيزه اؤيره ديب؟
دئديم آغا ايسته ييرديم دئيم بال وار؟
طرف اوتانيب دويونجا عذر ايسته يندن سونرا دئدي: يئمك اوچون ايسته ييرسن؟
دئديم: ب يو ب ايسته ييرم وئرم آري لار يئسن تازادان بال دوزدسينلر!
بونو دئديم تئـــــــــــــــــــــــ� �ـز توكاندان قاچديم!



بــَ‌ يو بــَ ..(قوربان پايي!)

اليمده قۇربانلێق اتي آپارمێشام قوْنشۇلارا پايلايام
سوْرۇشۇر: نذيردير؟
دئگيرم: بـ يو بـ قوْيۇنۇنان مۆشكۆلۆمۆز وار ايدي وۇردۇق اؤلدۆردۆك




بــَ‌ يو بــَ ..(اينترنت !)

طرف گليب باش ساييمي نا (سر شماري اوچون) ، دئيير اينترنت قولانيرسيزمي؟
دئييرم: هه يه!
دئيير: ائوده بيلگي سايار (كامپيوتر) وارينيزدي؟
دئييرم: ب يو ب اينترنه تلويزيون ايله گئديريك؟!!


بــَ‌ يو بــَ ..(ائلچيليك!)

گئتميشيك خالا اوغلوما ائلچي، قيز چاي گتيريب، خالا اوغلوم باشين ساليب آشاغي، ياواشجا دئديم اوتانيسان؟
قاييديب دئيير: ب يو ب يئره قيزيل تؤكوبلر فيكيرلشيرم نجور اونلاري ييغا بيلرم






گولوسن...........؟






بـــ يو بــــ آغلاييم.......





گولميسن .......





لوطفا گولون.....





چؤركچي سؤروشور سنگك ايسته ييرسه ن دا ؟
دئييره م : به يو به ! گلميشه م شاطئردان تايپ اؤيره نه م
!



تعزيه ده ساكيت اؤتورموشام. يؤلداشئم دئيير :ساكيت سن ! دئييره م : به يو به ! ايسته ييرسه ن دوروم سكينه دايي قئزي ناي - ناي - ي اؤخويوم!




مشتري : آغا بو مانكنه گئيديردييز پالتاري ساتئرسئز ؟

ساتئجي : به يو به ! اؤنو گئيينديرميشيك سؤيوق ده يمه سين بيله سينه !





120 سرعت ايله بيرين ووروب،آتئب خياوانئن اؤ تايئنا.يئره دوشوب سؤروشور : گؤره سن اؤلوب ؟

دئييره م : به يو به ! ادا چئخاردئر بلكه پئنالتي آلسئن!!!







یازار : ائشيلداق جمعه 11 فروردین 1391 | باخیش لار (0)

ساتاشمالار مالانين ديلينن

+0 به یه ن

بؤلوم : ساتاشما


آتين افسارين منيم ديليمين اوجونا باغلا!


بير گون ملا تارلاسيندا اگلشميشدي بير آتلي گئچيردي ملا دئدي: بويورون. آتلي فورأ پياده اولوب سوروشدي: آتين افسارين هارا باغلاييم؟ ملا كي گماني يوخويدي تعرفي بئله نتيجه وئرسين دئدي: آتين افسارين منيم ديليمين اوجونا باغلا!



نعوذبالله

اميرلرين بيري بير گون ملادن سوروشدي: عباسي خليفه لرينين زمانيندان سونرا رسم ايدي خليفه لرين و اميرلرين بير لقب لري اولسون كي بالله ايله قورتولا، مثلأ متوكل بالله و معتصم بالله كيمي، سيزين نظريزه منيم اوچون نه لقب مناسيبدير؟ ملا جواب وئردي: سنه نعوذبالله هاميسيندان ياخشي دير.



ائششه آنقئردئ ئؤكؤزؤ ئؤلدئ ماللا دينن چيخدي


ماللا نصر الدينين بير ئؤكؤزؤ بير اششه كي وارئمئش
اششه ك ماللا ايله دؤز ده مه مه زليگه باشلار
بير گؤن دؤرتؤلر ئؤكؤزؤن آخئرندان يونجالارئن ييه ر
بير گؤن سونجوقا قالخئب وئرار طؤوله نين قاپئسئ گئده ر
بير گؤن گئجه يارئسئ آنقئرماغا باشلاييب ماللانئ قوشق ائده ر
ماللا سحر جانا گلر وئرار چؤله يالنئز اللرين قالخئزار گؤيه سارئ
آي آللاه بو ائششه گين جانئنئ آل بني قورتار ده يه ر !
آخشام وئرار ئؤكؤز ئؤله ر !
سن نئجور آللاه سان كي ائششه ك ايله ن ئؤكؤزؤن فرقين بيلميسن!
ماللا ده يه ر.
داها سنه ناماز قئلماياجاغام!


یازار : ائشيلداق جمعه 11 فروردین 1391 | باخیش لار (0)

ساتاشما 1

+0 به یه ن

بؤلوم : ساتاشما


ساتاشما(بيرليكده اوخوياخ ------> بيرليكده گولاخ)

ساتاشما: آجي طنزلر















گلد ي بايرام نئيله ييم من
اليم بوش دور منيم چوخ دور خيا ليم
پيس اولد و وضع ماليم ،هم دَ ه حا ليم
غميم د ن آغلا يير نازلي عيا ليم
اوشاقلار دا يوخو شا م نئيله ييم من ؟
خدايا گلدي بايرا م نئيليه يم من ؟

«حميد ين »تومّانين بند ي قيريق د ير !
«رضانين » باشماغي يِيرتيق ، جيريق د ير !
بيزيم ائو دَ ه آجيند ان قيشقيريق د ير !
بو گون دَ ه اولد وآخشا م نئيليه ييم من ؟
خدا يا گلد ي با يرام نئيليه ييم من ؟

مني كارخانا دان آتدي ايشيگه
رئيسم ، چيخد يم ايشد َ ن بير تپيگه !
مني تشبيه ائد يب قونشو م پيشيكه !
پيشيك اولد وم سر انجا م نئيليه ييم من ؟
خدا يا گلد ي بايرام نئيليه ييم من ؟

يو خو مدور پول ِ پسته ، پول ِ آجيل
سيچا نا اولموشا م بو آ ي د ا تبد يل !
اگر گلسَه بيز َه با ير امد ا فا ميل
اليم بوش دور بو ايّا م نئيليه ييم من ؟
خدايا گلد ي با يرا م نئيليه ييم من ؟

غني نين ايت لري تؤخ دور حسابي !
چكيرلرهئي اوخا پيشميش كبابي !
منيم قارنيم چكير رنج و عذابي
يو خومد ور پول ِحمّام نئيليه يم من ؟
خدايا گلد ي باير ام نئيليه ييم من ؟

گلير با يرا م اوره گيم قا ن د ير آمما !
گؤزوم ياشلا ند ي د ولد و«داملا داملا»
گؤزَل آروا د ينان آنتا ليا د ا
غني اوينا ر «دارا دام » نئيليه ييم من ؟
خدا يا گلد ي بايرام نئيله ييم من ؟

اليم بَند اولماد ي بير صندلي يَه
بدهكار اولوموشام «مشد ي ولي » يَه !
قيا فَه م او خشا يير «مجنون »د لي يَه !
مني ترك ائتدي «ليلا»م نئيليه ييم من ؟
خدايا گلدي بايرام نئيليه يم من ؟

يازان رضايي


كوپويولي بوپولو نيه ايستي سن



بيرخانيم خسته لنير اري دوهتور گتيرير د ئيير:
آغا منيم بيرشرتيم وار،من20000تومن خانيما آييرميشام،يا اونو دوزه لدين يا بير دفه راحاتلادين .
دوهتور ديققتله ماينا ائلير آما 3 گون سونرا اولور.
كيشي:منيم شرتيم ده وارام.
دوهتور جان سن منيم خانيممي اولدوردون.
دوهتور: خئير، اونون اومرو باشا گلميشدي.
كيشي: دئماخ اولاركي سن اونو دوزه تدين؟
دوهتور:خئير.
كيشي: بس سن نئينه دين
دوهتور: هئچ زاد،
كيشي :پس كوپويولي بوپولو نيه ايستي سن.



اوغورلوق


بير كيشي اسلحه‌ايله بانكا گيريب پول ايسته‌دي. پول‌لاري آلاندان سونرا دونوب بانك‌دا اولان مشتري‌لرين بيرينه دئدي: سيز گؤردوز من بو بانك‌دان اوغورلوق ائدم؟

مشتري جاواب قايتاردي: بله قربان من گؤردوم. بو حئينده اوغرو اسلحه‌ني مشتري‌نين قولاغينا قويوب اونو اؤلدوردو.

اوغرو يئنيدن او ياخينليقدا دايانان ارآرواددان سوروشدو: سيز گؤردوز من بو بانك‌دان اوغورلوق ائدم؟

كيشي جاواب وئردي: يوخ قربان من گؤرمه‌ديم، آما آرواديم گؤردو.


جنت – جهنم فوتبال ياريشي نين سونوجو

جنتين باش مه له گي فوتبال سئور بيري ايميش . بير گون شئيطاني چاغيرتميش:
- ” جنتله جهنم آراسيندا گل بير فوتبال ياريشي دوزنله يك نه دئييرسن ؟ “
- ” اؤزونوزو يورمايين ، بيز اوتاريق ” ، دئميش شئيطان.
- ” بئله شئي اولماز . ان ياخشي فوتبالچي لار بيزده ؛ نه قدر پيس فوتبالچي وارسادا سيزده دير”

شئيطان شئيطانجاسينا گولومسه ميش: - ” آما بوتون داورلرده بيزده. “





تراختور يانداشلاري



تراختور تاخيمي نين ايكي يانداشي قونوشوردولار.
-: " آخشام تراختورون اويونو وار گئده جكسن ؟"
-: " بوش وئر اولان نه اويونو!! گل – گئده آراج تاپيلمير، نئچه ساعات داغ – تپه دن آشماليسان، نئچه ساعات گره ك الكترونيك بيلط سيراسيندا تيخيلاسان ، مين جوره يامان – يوووزلا ايچرييه گيره سن، باتوم – دگنگله ائشيگه چيخاسان، داور حاققي ناحاق ائده ، پيچاخلاناسان ، دؤيوله سن، سؤيوله سن سونوندا دا فئدراسيون سني بورجلو چيخاردا...."
-"‌دوز دئييرسن يولداش مني ده آرواد قويمور گئديم ! .."آمان آروادلاردان كي شاهليخ سوبايليخيميزي غارت الديلر....


بارماق ائله مك!

سانجي آمانيني كسميشدي. بَلَن-بَلَن گئديردي. آتا قيزغين - قيزغين:
-سنه الينه گئچني قارنينا تيخما دئمه ديمي ؟! بارماقلا تؤك ائشيگه، يوخسا اؤله جكسن! – دئدي.
اوغول آتانين نه دئديگي ائشيتمه سه ده دونيانين او بيري اوجوندا ، فوتبال مئيدانيندا ، بيري بونو ائشيتدي. بارماق ائله دي. بارماقدان ، ايللر بويو اوتدورولان مؤهور – تسبئح ، موللا-مونبر ، دين – مذهب قو.... دولار قامو اويونون اوزونه...



رئيسيم


من نن اوقده ر آي باشي پول چيخدي رئيسيم
يئخسين ائوين آللاه ، ائويمي يئخدي رئيسيم
پرونده مه توبيخ قالادي حق سيز- حساب سيز
دائم ياپيشيب خيرخيرامي سيخدي رئيسيم
پاداشي خال اوغلانلارا يازدي بيزه آمما-
نوبت يئتيشنده ائله ويرنيخدي رئيسيم
دللك ليغه شايسته اولوب، تاپدي تخصص
ارباب رجوني چون بير عومور قيخدي رئيسيم
رشوه آلاراق فوري چوبان دويمه يي توتدي
ياخدي چوره گه چاي پولوني، تيخدي رئيسيم
گلدي كه ايكي ائششگين آرپاسيني بولسون
بير پاي دا نهايت اؤزونه چيخـــــدي رئيسيم!!




" پان" – لار دونياسي!

موللانصرالدين، بالانصرالدينين قولتوغونداكي كيتابي گؤستَره رك سوروشور:
- توركجه كيتاب اوخويورسان؟! اولمايا سنده پان توركيست اولوبسان؟
- نه دخلي وار آتاجان ؟ باخين سيزده فارسجا قزئت* آليب سيز، بئله ايسه سيزده پان فارسيست سيز...
موللانصرالدين گولومسه يير:
-يوخ اوغول! من پان فارسيست دئييلم، قزئتي يالنيز شوشه لري سيلمك اوچون آلميشام.

*قزئت: روزنامه يا اونا موشابيح ؟

من ديلنچي دئييلم!


من ديلنچي دئييلم ، اوشاغيم خسته خانادادير ، پولوم يوخدو چيخاردام ،اولسا منه يارديم ائده سه نيز.
من ديلنچي دئييلم، پولوم قورتولوب يولدا قالميشام ، اولسا منه…
من ديلنچي دئييلم، آيليغيم دالييا دوشوب ، كيرايه ني وئرمه سم ائو يئيه سي اثاثلاريمي ائشيگه تؤكه جك ، اولسا منه …





به مناسبت 21 فوريه روز جهاني زبان مادري

ايسفندين ايكيسي(فورينين ايرمي بيري) ياخينلانشير و بالانصر الدين فيكيره جومور ندن جومور؟

بالانصرالدين گؤزلريني الينده كي كيتابا زيلله يه رك قيوريليب آچيليردي . بؤيرو اوسته ييخيليردي. آياقلاريني ديوارا داياييب كوفولداييردي. اوزو قويلو دوشونجه يه داليردي؛ چومبلن اوتوروب گوجَنيردي؛ هردنسه ده دونبالاق دوروردو. بو احوالاتي گؤزدن گئچيرن موللانصرالدين سونوندا اؤزونو ساخلاماييب ديللندي: - " اوغول ! نه قيوريليب آچيليرسان ؟ اولمايا يومورتان ترسه گليب ؟وئر گؤروم او ميراتي، نمنه دي اوخويورسان ؟"
بالانصرالدين كيتابي آتاسينا اوزاداراق، " آنا ياسادير . 15 نجي ماده سيني اوخويوردوم . آنجاق نه قدر زور وئرديم اوندان بير شئي باش چيخاردا بيلمه ديم. سيزكي " تاريخ نادر " كيتابيني يارييا قدر اوخوموشسونوز باخين گؤرون بو ماده نين آنلامي ندير؟ گؤره سن بيز سونوندا اؤز آنا ديلميز؛ توركجه ده درس اوخوياجاغيق يا يوخ؟ " دئدي.
موللا دوداق آلتي ميزيلدادي:
" اصل 15 : زبان و خط رسمي و مشترك مردم ايران فارسي است . اسناد و مكاتبات و متون رسمي و كتب درسي بايد با اين زبان و خط باشد ولي استفاده از زبانهاي محلي و قومي در مطبوعات و رسانه هاي گروهي و تدريس ادبيات آنها در مدارس ، در كنار زبان فارسي آزاد است ."
بالانصرالدين موللاني دالغين گؤردوكده ايگنه لي - ايگنه لي :
-" هه نئجه اولدو !؟ ماده ني خيردالايا بيلدينيزمي؟ نه دئيير ؟ اولمايا سيزده قيرپاچ ائتدينيز؟ "
موللا كيتابي بوكوب يئره قويدو . گؤزلوگونو چيخارديب شوشه لريني منديلي ايله سيله رك دئدي :
-"اوغول ! بو ماده ده باش چيخارتيلماياجاق نه وار كي ! هر شئي آپ آچيق آيدين دير . آناياسادا دئييليركي :


" تورك ديلينده مدرسه اولمالي دير تورك لره
شايدد ه
تورك ديلينده مدرسه اولمالي هئچ كسه ! "









  سئچكي لر

اوغول آتاسينا دئيير:
- ” آتا ! منده سيزين كيمي ميللت وكيلي اولماق ايسته ييرم سيزجه نه ائتمه لي يم؟”
آتا گولومسه يرك دئيير :
-” اوغلوم ! سياست دونياسي يالان ، فيريلداق دونياسي دير . بونا گؤره يالان-پالان دانيشماق اؤيرنملي سن . بو اوزدن سنه سيفاريش ائديريم .... نامه يه فيردوس عميني بير كره اوخويوب اؤيره نه سن ”.
اوغول بئش- اون گون سونرا سئوينجك آتاسي نين يانينا گليب دئيير :
-” آتا ! .... نامه يه فيردوس عميني بير كره يئرينه اون كره اوخودوم . سيزجه ايره لي ده كي مجليس سئچكي لرينده آداي اولا بيله رم مي؟ “.
آتا اليني اوغولونون چيگنيه قويوب دئيير:
-” يوخ اوغلوم ! سنه .... نامه يه فيردوس عميني ني بير كره اوخو دئميشديم . اون كره اوخوياندان ياخشي پره زه دنت چيخار. بونا گؤره بير ايكي ايل دوزمه لي سن”.

یازار : ائشيلداق جمعه 11 فروردین 1391 | باخیش لار (0)

من مسعود اوردان بوردان بيلنلري و اورگه شن لري بورا يغيرام

اؤلسم سنين قاپيندا قازارلار مزاريمي

اي صوبح آچيل دوباره گؤروم نازلي ياريمي
حظ ائيليرم گؤرنده من اول با ويقاريمي
بيلمم كي قارا گؤزلري نين وار نه حيكمتي
الدن آلير توانيمي ، صبر و قراريمي
دوزدوم سه لايه تخته يه رنگ و قلملري
ترسيم ائدم اورك ده كي نقش و نيگاريمي
اوّل قارا گؤزون گتيرم تابلو اوستونه
زولفون چكنده يادا سالام روزگاريمي
آهو باخيشلي گؤزلرينين حالتين چكم
بير يول تؤكم بوم اوستونه دار و نداريمي
طراح ليغيندا هر نه گوجوم وار نشان وئرم
مبهوت ائدم ايشيمده من اؤز اوستا كاريمي
ماني دوروب اليمدن اؤپوب آفرين دييه
صورت چكنلر ائيله يه تحسين چيخاريمي
كؤنلوم سئوير كي منبع ايلهاميم اولان منه
سندن توان آليب يارادام شاهكاريمي
گر اؤلكه ميزده بيلسه له من عاشيقم سنه
اؤلسم ، سنين قاپيندا قازارلار مزاريمي
جنتده خاليقيم دئسه بو حوريلر بو سن
گؤرسم قويوبلار اؤز اليمه ايختياريمي
آلسا خبر گول اوزلولرين هانسين ايستي سن
آغلار گؤزيله من دييه جم اؤز نيگاريمي

آنا یارپاق

آرشیو

ایلگی

آختاریش

بؤلوم لر

يامجيكلار(اس ام اس لر) (4)

ساتاشما (7)

سسلي ناغيل (1)

آنا ديليميز حقينده مقاله لر (6)

آزربايجان حاقيندا بير نچه سويسل(شعر) (1)

آتالار سوزو (8)

تورك اديبلر و شاعرلر ليستي (2)

آذربايجانئن دولانمالي يرلرئن تاني (0)

سويسل پنلي(شعر تابلوسي) (1)

عاشيق اولموشلار (2)

تاريخ آذربايجان (10)

آموزش تركي (7)

تورك يا ترك، تورك يا آذري (1)

واژگان تركي (5)

اوردان بوردان (1)

ترانه هاي ماندگار (2)

سرگي(نمايشگاه فروشگاه شانلي) (0)

شعر (سویسل) (1)

یولداش لار

İran'da Dəyişdirilən Türkçə Yer Adları ایراندا ده ییشدیریلن تورکچه یئر آدلاری

Qoşaçaydan Yüksək Səs

TDRFRQZ

تهران هاراي: نسلكشي و جنايت توسط ارامنه يا تركان،كدام يك؟

هاميا خبر وئرين.

سولئيمان روستم

سات مارام ســـــــني* *تــــــــوركــــ **

خوي هاراي: شعر و داستان تركي

ماكولو هاراي - تاريخ تركان

SöySəl Evi--- خانه شعر تركي

قاراداغ کیتابخاناسی

تركي بير چشمه ايسه، من اوني دريا ائله ديم

رسول رضا

ايران ترك: نام آوران جهان ترك

هفته نامه اينترنتي, دنيز

گئچرم من گئچرم هر نه واريمنان گئچرم اما من توركو ديل اوسته باش بدنن بيچرم

altay urmulu

سون یازیلار

راهنماي وبلاگ

جاوید قالاجاق دیر

ما به گربه «پيشيك» مي گوييم !

سيز نئجه بير اينسانسيز؟ (شخصيت تئستي)

ساراينان آيدئن (خان جوبان)

آيريليق

ليست

واژگان-4

واژگان-3

واژگان-2

واژگان-1

واژگان تركي

گولمه جه

آنا ديلي نه دن آنا ديلي آدلانير؟

دوروم - يرالما - صه ده قه !!!

آرشيو

فروردين 1391

آذر 1394

مهر 1391

شهريور 1391

مرداد 1391

ارديبهشت 1391

 

باغلانتی لار

سایغاج

ایندی بلاق دا :
بو گونون گؤروشو :
دونه نین گؤروشو :
بو آیین گؤروشو :
بوتون گؤروش لر :
یازی لار :
باخیش لار :
یئنیله مه چاغی :

ایمکان لار

RSS 2.0

صدف و مروارید عشق دستگاه بافت مو بند انداز برقی بانوان چای ساز و قهوه جوش دستگاه ترک سیگار