قارقارئشئخ

قارقارئشئخ

آذربايجان حاقينده بير نچه سويسل عربجه يازيله

+0 به یه ن

بؤلوم : آزربايجان حاقيندا بير نچه سويسل(شعر)

آذربايجان
كؤنلوم قوشو قاناد چالماز، سنسيز بير آن، آذربايجان
خوش گونلرين گئتمز مودام خياليمدان آذربايجان


سندن اوزاق دوشسم ده من عشقين ايله ياشاييرام

يارالانميش قلبيم كيمي، قلبي ويران آذربايجان


بوتون دونيا بيلير سنين قودرتينله، دؤولتينله

آباد اولوب، آزاد اولوب، مولكو-ايران، آذربايجان


بيستون-اينقيلابدا شيرين-وطن اوچون فرهاد

كولونگ وورموش اؤز باشينا زامان-زامان آذربايجان


وطن عشقي مكتبينده جان وئرمگي اؤيرنميشيك

اوستاديميز دئميش هئچدير وطنسيز جان، آذربايجان


قورتارماقچون ظاليملارين اليندن ري شومشاديني

اؤز شومشادين باشدان-باشا اولوب آل قان، آذربايجان


يارب، ندير بير بو قدر اوركلري قان ائتمه يين

قولو باغلي قالاجاقدير نه واختاجان آذربايجان


ايگيدلرين ايران اوچون شهيد اولموش، عوضينده

درد آلميسان، غم آلميسان سن ايراندان، آذربايجان


ائولادلارين نه واختادك ترك-وطن اولاجاقدير

ال-اله وئر، عوصيان ائيله، اويان اويان آذربايجان


يئتر فراق اودلاريندان كول الندي باشيميزا

دور آياغا، يا آزاد اول، يا تامام يان، آذربايجان


شهريارين اورگي ده سنينكي تك ياراليدير

آزادليقدير سنه ملهم، منه درمان، آذربايجان



جاويدان دير آنا يوردوم آذربايجان

ورق ورسان تاريخيمي وار تانين مش چوخ قهرمان

آزادليقين آغاجينا سو يئرينه وئريبله قان


بونلاريله جاويدان دير آنا يوردوم آذربايجان


آزادليقين آغاجيني سووارمازسان كلگه سالماز


حالوا-حالوا دئمه گيله گولوم آغيز شيرين اولماز



************


شيخ ممدين فظولونون آدين دئمه باخ ايشينه


كور اوغلونون ,ستارخانين ظاليم لره دويوشونه


آذربايجان سئوه ن گره ك اؤز وارليقين تئز دوشونه


عمل گره ك قورو سؤزله يادلار قازان قويو دولماز


حالوا-حالوا دئمه گيله گولوم آغيز شيرين اولماز



************


افراسياب,تيمور بيزيم ده ده قورقود چنگيز بيزيم


زينب پاشا, پروين بيزيم صابريله معجز بيزيم


اوتاي بيزيم بوتاي بيزيم باكي بيزيم تبريز بيزيم


نه فايداسي حق ايسته ين شمشير چكر مزقان چالماز


حالوا- حالوا دئمه گيله گولوم آغيز شيرين اولماز




************




مين كره دئه آذربايجان آتام-آنام سنه قوربان


دوشمن قوخماز سو دورولماز درديميزه اولماز درمان


بيرليگه له قودرت لازم ظلم ائولرين ائده ك ويران


اؤلر اينسان بابك كيمي ائل يولوندا رنگي سولماز


حالوا- حالوا دئمه گيله گولوم آغيز شيرين اولماز



**********



شامسيز قالار قونشوسونا قارداشينا اميد اولان


ياتانلاري آييدماقا قيرآتي مين ائلي دولان


گئچه جكده ن گله جكده ن علمده ن دئه گچر زمان


ائل قازانسا علم و هنر يوردوم پارلار دالي قالماز


حالوا- حالوا دئمه گيله گولوم آغيز شيرين اولماز




***********



بير باغ سووزو وئرمزلر چئپيك لره آلقيش لارا


ورديلره دووالارا نفرين لره قارقيش لارا


سون قويولارا فوروگره ك گئچمش ده كي يانليش لارا


خير ايشلره قاچماق گره ك آستا گئدمك ثمر قلماز


حالوا- حالوا دئمه گيله گولوم آغيز شيرين اولماز




*********



شان شهرتلي وطنيمسن گوزه ل ايران گوزه ل ايران


نفاق چيه خائين لره وئرمه امان وئرمه امان


اودلار يوردو آنا وطن آذربايجان آذربايجان


( نجار اوغلي) بالدان شيرين اوز ديلينده ن كنار اولماز


حالوا- حالوا دئمه گيله گولوم آغيز شيرين اولماز


واريم يوخوم سنه قوربان


آذربايجان


آذربايجان


نجار اوغلي




آذربايجانيم
سئويرم يوردومون باهارين يازين
گؤلونده نازلانان اؤرده يينقازين
عاشيغين الينده صدفلي سازين
اي عاشيق گل اوخو اوره ييم جانيم
سئويرم من سني آذربايجانيم
***
داغلارين دؤشونده قاسناسانسولار
سوزولر گولاب تك چوخورا دولار
گوللشر گوموش تك بير آينا اولار
ايروحوم روانيم گؤزل جئيرانيم
سئويملي وطنيم؛ آذربايجانيم
***
چن-دومانائيله ييپ باشيزدا مكان
گئجه نين اولدوزون آييني توتان
توفانلار وئرنمزسيزلره تكان
اي منيم داغلاريم، ويقاريم ، جانيم
گؤزللر گؤزليآذربايجانيم
***
گوموشدن ساچ هورر اوجا داغلارين
يام ياشيل دون گئييرگوللو باغلارين


آذربايجان
آذربايجان اودلو ائليم
بالدان شيرين توركو ديليم
دالغالانديرير منيم سئليم
هيمته قوربان من اولوم.

آسلان كيمي نعره چكه ن
نامردلرين قدين بوكه ن
بابك كيمين رهبر سئچه ن
جراته قوربان من اولوم.

قوي دئييم بير بابك`يمدن
اؤز يوردومون ار تكيندن
دوشمنلري قير كؤكوندن
ميللته قوربان من اولوم.

جاوانلارين غئيرتي وار
قوجالارين حؤرمتي وار
گئچميش ائلين عيزتي وار
عيزته قوربان من اولوم.

ساوالان تك داغلاريميز
چيچكليدير باغلاريميز
كوراوغلوموز٬ نيگاريميز
قامته قوربان من اولوم.

سازلي صؤحبتلي آشيقلار
اينسانلارا جان باغيشلار
قوي قار ياغسين هم ياغيشلار
صؤحبته قوربان من اولوم.

سرين – سرين بولاقلارين
قويونلارين٬ قوزولارين
ياشيل باشلي سونالارين
قيرآت`ا قوربان من اولوم.

پئيمانه لر دول-ها-دولا
ايگيدلرين ساغدان سولا
جان وئره ريك بيز بو يولدا
قدرته قوربان من اولوم.

يورولماسين ائللريميز
هئچ سولماسين گوللريميز
لال اولماسين ديللريميز
نييته قوربان من اولوم.

دومان داغلار باشيندادير
بوزقوردلاريم يانيندادير
خوش گونلريم ياخيندادير
شؤوكته قوربان من اولوم.



آغ بـــــــولوتلار، يور قانيندي
مـــــرد اوغوللار قوربانيـندي
يول گورسدن ، قورآنينـــدي
دوشمن لري ، درده سالان
آنا يوردوم آذربايجان
آنا يوردوم آذربايجان



كامانين گوتوروب گئدن اووچو
آماندي آلا گوز جئيرانا ديمه
يالتاقجا يالواران تولكونو اولدور
قئير تك باغيران آصلانا ديمه
وطنيم هوكورور آغلايير يامان
كوكسونده يارا وار باشيندا دومان
توتايديم گوله ني دئيه يديم دايان
بات سينه مه آذربايجانا ديمه!...



بير آنانين بالاسي‌ييق
عؤمور بويو قالاسي‌ييق
آناميزدير آذربايجان
ياشيل داغلار لالاسي‌ييق
تورپاغيميز قيزيل، زردي
بؤيوك آديميز آزردير
بير يانيميز مين‌گؤل‌داغدير
بير يانيميز گؤي خزردير
گؤرمه‌لي‌دير يايي، يازي
باشدا آخان خان آرازي
گؤزه‌ لليگين ديله ساليب
آشيقلارين تئللي سازي
غربي دئديك بيز سولونا
شرقي دئديك ساغ قولونا
زنجانلا اردبيل بيردير
گئتسه‌لرده اؤز يولونا
هامي بير ائل، هامي بير آد
يوخدور بوردا بيركيمسه ياد
بيري باشدير، بيري آياق
بيري قولدور، بيري قاناد
اورميه، اردبيل، زنجان
تبريز، بؤيوك آذربايجان
آذربايجان، آذربايجان




آنا وطن ايلك سئوديگيم
"يالان دئسه م يانسئن ديليم "
جانيمدان چوخ ايسته ديگيم
قلبيمده قان جسميمده جان
آذربايجان، آذربايجان
جيران قاچار اغلاريندا
گول آغاجلي باغلاريندا
گه زسه م بهارچاغلاريندا
قؤجا عمروم اؤلار جوان
آذربايجان، آذربايجان
سن ايگيت لر آناسي سان
اصلان لارين يوواسي سان
خسته لرين دواسي سان
سن طبيب سن هم ده لقمان
آذربايجان، آذربايجان
اؤدلار، آلاولار دياري
ئؤلكه لرين شان، وقاري
سن يئتيردين شهرياري
سؤز ملكونون شاهي قطران
آذربايجان، آذربايجان
نظامي دن آلدين نظام
صائب وئريبدير استحكام
نسيمي، اوحدي، همام
مهستي، صابر،ناتوان
آذربايجان، آذربايجان
عاشيق لرين سازين چالار
قوچ كوراؤغلو گئديك آلار
هامي سنده ن گئري قالار
سن – سن شرقه ايشيق ساچان
آذربايجان، آذربايجان
چؤللرينده تر بنفشه
گؤي چمنلره ، ياشيل مئشه
عشقين اؤلوب منه پئشه
قارتاللارين داغلار آلان
آذربايجان،آذربايجان

سؤيليه ن : آلاو







یازار : ائشيلداق شنبه 12 فروردین 1391 | باخیش لار (0)

من مسعود اوردان بوردان بيلنلري و اورگه شن لري بورا يغيرام

اؤلسم سنين قاپيندا قازارلار مزاريمي

اي صوبح آچيل دوباره گؤروم نازلي ياريمي
حظ ائيليرم گؤرنده من اول با ويقاريمي
بيلمم كي قارا گؤزلري نين وار نه حيكمتي
الدن آلير توانيمي ، صبر و قراريمي
دوزدوم سه لايه تخته يه رنگ و قلملري
ترسيم ائدم اورك ده كي نقش و نيگاريمي
اوّل قارا گؤزون گتيرم تابلو اوستونه
زولفون چكنده يادا سالام روزگاريمي
آهو باخيشلي گؤزلرينين حالتين چكم
بير يول تؤكم بوم اوستونه دار و نداريمي
طراح ليغيندا هر نه گوجوم وار نشان وئرم
مبهوت ائدم ايشيمده من اؤز اوستا كاريمي
ماني دوروب اليمدن اؤپوب آفرين دييه
صورت چكنلر ائيله يه تحسين چيخاريمي
كؤنلوم سئوير كي منبع ايلهاميم اولان منه
سندن توان آليب يارادام شاهكاريمي
گر اؤلكه ميزده بيلسه له من عاشيقم سنه
اؤلسم ، سنين قاپيندا قازارلار مزاريمي
جنتده خاليقيم دئسه بو حوريلر بو سن
گؤرسم قويوبلار اؤز اليمه ايختياريمي
آلسا خبر گول اوزلولرين هانسين ايستي سن
آغلار گؤزيله من دييه جم اؤز نيگاريمي

آنا یارپاق

آرشیو

ایلگی

آختاریش

بؤلوم لر

يامجيكلار(اس ام اس لر) (4)

ساتاشما (7)

سسلي ناغيل (1)

آنا ديليميز حقينده مقاله لر (6)

آزربايجان حاقيندا بير نچه سويسل(شعر) (1)

آتالار سوزو (8)

تورك اديبلر و شاعرلر ليستي (2)

آذربايجانئن دولانمالي يرلرئن تاني (0)

سويسل پنلي(شعر تابلوسي) (1)

عاشيق اولموشلار (2)

تاريخ آذربايجان (10)

آموزش تركي (7)

تورك يا ترك، تورك يا آذري (1)

واژگان تركي (5)

اوردان بوردان (1)

ترانه هاي ماندگار (2)

سرگي(نمايشگاه فروشگاه شانلي) (0)

شعر (سویسل) (1)

یولداش لار

İran'da Dəyişdirilən Türkçə Yer Adları ایراندا ده ییشدیریلن تورکچه یئر آدلاری

Qoşaçaydan Yüksək Səs

TDRFRQZ

تهران هاراي: نسلكشي و جنايت توسط ارامنه يا تركان،كدام يك؟

هاميا خبر وئرين.

سولئيمان روستم

سات مارام ســـــــني* *تــــــــوركــــ **

خوي هاراي: شعر و داستان تركي

ماكولو هاراي - تاريخ تركان

SöySəl Evi--- خانه شعر تركي

قاراداغ کیتابخاناسی

تركي بير چشمه ايسه، من اوني دريا ائله ديم

رسول رضا

ايران ترك: نام آوران جهان ترك

هفته نامه اينترنتي, دنيز

گئچرم من گئچرم هر نه واريمنان گئچرم اما من توركو ديل اوسته باش بدنن بيچرم

altay urmulu

سون یازیلار

راهنماي وبلاگ

جاوید قالاجاق دیر

ما به گربه «پيشيك» مي گوييم !

سيز نئجه بير اينسانسيز؟ (شخصيت تئستي)

ساراينان آيدئن (خان جوبان)

آيريليق

ليست

واژگان-4

واژگان-3

واژگان-2

واژگان-1

واژگان تركي

گولمه جه

آنا ديلي نه دن آنا ديلي آدلانير؟

دوروم - يرالما - صه ده قه !!!

آرشيو

فروردين 1391

آذر 1394

مهر 1391

شهريور 1391

مرداد 1391

ارديبهشت 1391

 

باغلانتی لار

سایغاج

ایندی بلاق دا :
بو گونون گؤروشو :
دونه نین گؤروشو :
بو آیین گؤروشو :
بوتون گؤروش لر :
یازی لار :
باخیش لار :
یئنیله مه چاغی :

ایمکان لار

RSS 2.0

صدف و مروارید عشق دستگاه بافت مو بند انداز برقی بانوان چای ساز و قهوه جوش دستگاه ترک سیگار