جاوید قالاجاق دیر
اود سؤنسه ده آتش یئری جاوید قالاجاق دیر
سئوگی گونشی داغ لی اورک ده یاناجاق دیر
سانما کی گولوم گر آتاسان عشقی قافان دان
عشقین ایزی دائیم بو کؤنول ده قالاجاق دیر
عاشیق نه قدر معشوقه دن اوزگون اولورسا
عشق شعله سی سؤنمز یئنه یانقین قالاجاق دیر
عشقین بوداغی ریشه سالیب سا بو کؤنول ده
باغریم سن اوچون سئوگیلی چیلغین قالاجاق دیر
سیلسن آدیمی یا آتاسان خاطیری یاددان
سن نازلی یارین عشقی قالارگی قالاجاق دیر
هیجران اودو گر یاندیرا بو جانیمی هر دم
اؤلسم ده داغیلسام دا تؤکنمز قالاجاق دیر
بیتمز بو درین سئوگی کی واردیر سنه یاریم
گؤزلر سنی گؤرمک اوچون آغلار قالاجاق دیر
عشقین او قدر ارزیشی واردیر بو جانیم دا
عشقیم سن اوچون سئوگیلی جانان قالاجاق دیر
وبلاق اسفندیار سپهری
