خان چوبان:
آي نيسگيللي دلي چوبان
قارا قاش گؤزونه قربان
تئزدي هله گئتمه يوبان
هارا گئتدين ؟ دايان سارا
گؤزلرينده گؤزوم قالدي
اؤزوم يانديم ، كؤزوم قالدي
اوره ك دولو سؤزوم قالدي
كيمه دئييم سارا – سارا
ياي ياز اؤتدي ، خزان يئتدي
سولوب گلزار، چمن ، بيتدي
فلك اؤز بيلديين ائتدي
مني سالدي درده سارا
قاش بلشميشدي آل قانا
چوخ قاليردي صبحه بانا
هر بير سمته ، هر بير يانا
انتظارلا ، باخديم سارا
هئچ بيلمه ديم نئجه اولدي
اوره ك چاناق كيمي دولدي
آن چكمه دن رنگيم سولدي
آنديم واي خبرين سارا
آرپا چايي قورويه يدي
مغاني چن بورويه يدي
سرنوشتي چورويه يدي
سني مندن آلدي سارا
آند ايچه رم گونه آيا
يولوم اولا داغ ، داش،قايا
آتي ووررام دلي چايا
قصاصيني آللام سارا...