|
جوابلاريزي يازيب جمع ورين
بيردن اونا بير جمع
اوننان ايرميه بير جمع
ايرميدن اوتوزا بير جمع
اوتوزدان قيرخا بير جمع
شخصيت تئستي سيزه
موختليف روحي وضعيت‌لرين تصويري تقديم اولونور. اگر بو وضعيت سيزه داها
چوخ خاصديرسا - 2 نومره، اگر هردن بير اولورسا 1 نومره، هئچ اويغون گلميرسه
0 نومره ايله نومره وئرين.
نتيجه‌ني بو اساسدا حئسابلايين:
جاوابيز «اويغون» اولسا 2 نومره وئرين
جاوابيز «او قدر ده اويغون دئييل» اولسا 1 نومره وئرين
جاوابيز «هئچ اويغون دئييل» 0 نومره وئرين
1. اؤزومده امينيّت احساس ائتميرم.
2. چوخ واخت هئچ يئره اوزوم قيزارير.
3. ناراحات ياتيرام.
4. تئز روحداندوشورم . (نا اوميد اولورام)
5. فيكريمه گتيرديگيم خوشا گلمزليكلردن ناراحات اولورام .
6. چتينليكلر مني قورخودور .
7. قصورلاريمي (كمبودلاريم) چك-چئوير ائتمگي سئويرم .
8. مني اينانديرماق آسان‌دير.
9. بدگومانام، هر شئيدن شوبهه‌لنيرم.
10. گؤزله‌مك منه آغير گلير.
11. يولونو تاپماق مومكون اولان وضعيت‌لر, چوخ واخت منه چيخيلماز گلير.
12. خوشا گلمز حادثه‌لر مني مأيوس ائدير، روح‌دان دوشورم .
13. بؤيوك خوشا گلمزليكلر زاماني كيفايت قدر سبب اولما‌دان اؤزومو گوناهلانديرماغا مئيليم اولور.
14. شانس‌سيزليق و اوغورسوزلوقلار منه هئچ نه اؤيرتمير.
15. چوخ واخت موباريزه‌دن ايمتينا ائديرم، چونكي معناسي يوخدور.
16. چوخ واخت اؤزومو كؤمكسيز حيس ائديرم .
17. هردن مأيوس اولورام.
18. چتينليكلر قارشي‌سيندا اؤزومو ايتيريرم، آوارا قاليرام.
19. حياتيمين چتين آنلاريندا هردن اؤزومو اوشاق كيمي آپاريرام كي، منه رحملري گلسين.
20. حساب ائديرم كي، شخصيتيمده‌كي قصورلار دوزه‌لن دئييل.
21. سون سؤز سؤيلمك حاقيني اؤزومده ساخلاييرام.
22. چوخ واخت صؤحبت زاماني يولداشيمين سؤزونو كسيرم .
23. مني غضبلنديرمك راحاتدير.
24. باشقا‌لاريندان ايراد توتماغي سئويرم .
25. باشقا‌لارينا زور دئمگي سئويرم.
26. آزا قانع اولمورام، داها چوخ ايستييرم .
27. غضبلننده اؤزومو چتين اله آليرام.
28. ايداره ائتمگي تابع اولماغا ترجيح وئريرم.
29. ژئستلريم (حركتلريم) كسكين و كوبوددور .
30. اينتيقام آلانام.
31. عادتلريمي دگيشمك منيم اوچون چتيندير.
32. ديقّتيمي بير ايشدن باشقاسينا يؤنلتمك آسان دئييل.
33. هر بير يئني‌ليگه احتياطلا ياناشيرام.
34. مني فيكريمدن دؤندرمك چتيندير.
35. آزاد اولونماسي گركن فيكيرلر چوخ واخت بئينيمدن چيخمير.
36. اينسانلارلا اونسيّت قورماق آسان اولمور.
37. برنامه‌نين حتي اهميّتسيز درجه‌ده پوزولماسي مني مأيوس ائدير.
38. چوخ واخت كؤنز اولورام.
39. ريسكه هوسيم اولمور.
40. قرار قويدوغوم گون برنامه‌سيندن كنارا چيخما‌لار منه كسكين تأثير ائلير .
نتيجه‌لرين ايشلنيلمه‌سي:
هر گروه سوآللار اوچون نومره‌لري حسابلايين:
1. (1-10) – عصبي
2. (11-20) – اوميدسيز
3. (21-30) – تهاجوملي
4. (31-40) – سرت و مؤحكم
نومره‌لرين دَيَرلنديريلمه‌سي و تفسيري:
1. عصبي‌ليك:
0-7 نومره : عصبي‌ليك يوخدور
8-14 نومره : اورتا عصبي‌ليك
15-20 نومره : حددن آرتيق عصبي‌ليك
2. اوميدسيزليك:
0-7 نومره : اؤزونه ارزيش قاييل دئييل، اوغورسوزلوقلارا داواملي‌دير، چتينليكلردن قورخمور
8-14 نومره : متوسيط حالدا اوميدسيزدير
15-20 نومره : اؤزونه آز ارزيش ارزيش قاييل اولور، چتينليكلردن قاچير، اوغورسوزلوقلاردان قورخور، نا اوميددير.
3. تهاجوملي اولماق: 0-7 نومره : سيز ساكيت و تمكينلي‌سيز 8-14 نومره : تهاجوملي اولماغين اورتا حدي 15-20 نومره : سيز تهاجوملي‌سيز، تمكينلي دئييلسيز، اينسانلارلا ايشله‌مكده و اونسيّت قورماقدا چتينليك چكيرسيز.
4. سرت و دگيشمز اولماق:
0-7 نومره : سرتليك يوخدور، بير ايشدن آيريسينا راحات كئچير.
8-14 نومره : متوسيط سويّه‌ده سرتليك.
15-20 نومره : يوخاري حدده سرتليك. دولانيشي، باخيشلاري و
اينانجلاريني, حتي اونلار واقعيّتلرله اويغون و موناسيب اولماسا دا
دگيشمز. اونا ايش و عاييله‌سينده دگيشيك‌ليكلر ائتمك اولماز
------------------------------------------------------------------------------------------------------------------------
بيردن اونا بير جمع
اوننان ايرميه بير جمع
ايرميدن اوتوزا بير جمع
اوتوزدان قيرخا بير جمع
سيزين دوت دانا جمعيز اولاجاخ يوخاريداكيلارين هره سينه بير جمع هر موريدين
تحليلين آخيرده يازيب بير نومره عصابيزا بير نومره امودوزه بير نومره قان
قان دماقيزا و بير نومره ايراده زه چيخاجاخ
------------------------------------------------------------------------------------------------------------------------
من:
عصبي‌ليك يوخدور
اؤزونه ارزيش قاييل دئييل، اوغورسوزلوقلارا داواملي‌دير، چتينليكلردن قورخمور(گره يازيدي قائل دير يانليش يازئب اله بير)
تهاجوملي اولماغين اورتا حدي
سرتليك يوخدور، بير ايشدن آيريسينا راحات كئچير.
|
