|
سوري
اين شعر بدون هيچ ترديدي شاهكار شاعر آن است. شايد دليل جذابيت شعر، واقعي
بودن داستان آن است. داستان از اين قرار است كه يك پسر اردبيلي در دوره
سرباز معلمي خود، در دامنه كوه هاي الموت با دختري آشنا شده و ارتباط عاطفي
برقرار مي كنند.نام اين دختر سوري است. تا اينكه دوره سربازي پسر تمام مي
شود و وي به اردبيل باز مي گردد. سوري به انتظار بازگشت معشوق مي نشيند.
اما خبري نيست. از هر مسافري خبر مي گيرد. اما هر اميدي به نا اميدي ختم
مي شود. تا اينكه سوري به اردبيل مي آيد. كوچه به كوچه و خانه به خانه به
دنبال يار سفره كرده مي گردد. و او را در خانه خود در كنار همسر مي يابد.
سوري در اردبيل مي ماند و عشق سوري زمينه اي مي شود براي شاعر بسيار
تواناي اردبيلي استاد عاصم اردبيلي تا شعري بسرايد كه به واقع شاهكار
است. (اين شعر در مجموعه شعر قانلي سحر (سحرگاه خونين) به چاپ رسيده است)
فلكين قانلي اليندن بير آتيلميش يئره اندي،
بير فلاكت آنانين جان شيره سيندن سودون امدي،
بوللو نيسگيل شله سي چيگنينه آلدي،
تاي توشوندان دالي قالدي،
ساري گول مثلي سارالدي،
گونو تك باغري قارالدي. خان چوبان سيز سئله تاپشيرسين اوزون،
يوردوموزا بير سارا گلدي،
بير وفاسيز يار اليندن سانا گلمز ياراگلدي،
بيريازيق قيز،
جان الينده ن جانا گلمز جانا گلدي،
گله جكده ((الموت)) دامنه سينده ن بورايا درمانا گلدي،
بير آدامسيز ((سورو)) آدلي،
الي باغلي،
ديلي باغلي!
((سورو)) كيمدير؟
بير گول دو جهنمده بيتيبدير،
سورو بير دامجي دي گوزده ن آخاراق اوزده ايتيبدير،
سورو يول يولچوسودوراگري ده يوخ دوزده ايتيبدير،
سورو بير مرثيه دير اوخشاياراق سوزده ايتيبدير،
او كونول لرده كي ايتميش دي ازلدن،
اودو گوزده ن ده ايتيبدير،
سورو بير گوزلري باغلي،
اوزو داغلي، سوزو داغلي،
اولوب هاردان هارا باغلي؟
بوشلاييب دوغما ديارين،
اوموب البته ياريندان،
ال اوزوب هرنه واريندان،
قوخماييب شهريميزين قيشدا آمانسيز بورانيندان،
نه قاريندان،
گزير آواره تاپا يانديريجي دردينه چاره،
تاپا بيلمير،
چوخ سئوير عشقي باشيندان آتا،
آمما آتا بيلمير،
اووا باخ اووچو دالينجا قاچير آمما چاتا بيلمير،
ايش دونوب ليلي دوشوب چوللره مجنون سوراغيندا،
شيرين الده تئشه داغ پارچالايير فرهاد اوتورموش اوتاغيندا،
تشنه لب قو گور نئجه جان وئري دريا قيراقيندا،
وارليقين سون اثري آز قالير ايتسين ياناغيندا،
سانكي بير كوزدو بورولموش كوله وارليق اوجاغيندا،
كوزه يير پيلته كيمين ياغ توكه نيب دير چيراغيندا،
بوي آتير رنج باغيندا، قوجالير گنج چاغيندا،
بير آدامسيز ((سورو)) آدلي،
الي باغلي،
ديلي باغلي!
((سورو جان)) اومما فلكدن،
فلكين يوخدو وفاسي،
نه قدر يوخدو وفاسي،
او قدر چوخدو جفاسي،
كوهنه رقاصه كيمين هر كسه بير جوردور اداسي،
اوآياقدان دوشه ني ايستير آياقدان سالان اولسون،
او تالانميش لاري ايستير گونو گوندن تالان اولسون،
او آتيلميش لاري ايستير هاميدان چوخ آتان اولسون،
او ساتيلميش لاري ايستير قول ائده ركن ساتان اولسون،
نئيله مك قورقو بوجوردور،
فلكين نظمي ازلدن اولوب اضدادينه باغلي،
قاراسيز آغلار اولانماز،
دره سيز داغلار اولانماز،
اولوسوز ساغلار اولانماز،
گره ك هر بير گوزه له بير دانا چيركين ده يارانسين،
بيري انسين يئره گويدن بيري عرشه اوجالانسين،
بيري چالسين ال آياق غم دنيزينده،
بيري ساحيلده سئوينج ايله دايانسين،
بيري ذلت پالازين باشه چكيب ياشادا آنجاق،
بيري نين بختي اويانسين،
بيري قويلانسادا نعمت لره يئرسيز،
بيري ده قانه بويانسين،
آي آدامسيز سورو آدلي،
ساچلاريندان دارا باغلي!
نئيله مك ايش بئله گلميش،
چور گلنده گوله گلميش،
فلكين اگري كمانيندا اولان اوخ آتيلاندا دوزه دگميش،
ديلسيزين باغريني دلميش،
اگري قالميش دوز اگيلميش،
اونو خوشلار بو فلك ائل ساراسين سئللر آپارسين،
بولبول حسرت چكه رك گول ثمرين يئللر آپارسين،
قئيسي چوللرده قويوب ليلي ني محمللر آپارسين،
خسرو،
شيرين ايله ال اله وئرسين فرهادين قامتين اگسين،
باخاراق چرخ زمان نشئه يه گلسين،
كئفه دولسون،
((سورولار)) سولسادا سولسون،
سيسقا بير اولدوز اگر اولماسا اولدوزلار ايچينده،
بو سماء ظولمته باتماز،
داش آتان كول باشي قويموش داشيني اوزگه يه آتماز،
سن يئتيشسن هدفه اوندا فلك مقصده چاتماز،
داها افسانه ياراتماز،
((سورو)) آي باشي بلالي،
زامانين قانلي غزالي!
((سورو)) بير قوشدور خزان آيري ساليبدير يوواسيندان،
ال اوزوبدور آتاسيندان،
جوجه دير حيف اولا سود گورمه ييب اصلأ آناسيندان،
او زليخا كيمي يوسيف ايين آلمير ليباسيندان،
بونا قانع دير تنفس ائله يير يار هاواسيندان،
درد وئره ن درده ساليب آمما خبر يوخ داواسيندان،
آغلاييب سيتقاياراق بهره آپارمير دوعاسيندان،
او بير آيينه دير رسام چكيب اوستونه زنگار،
اوندا يوخ قدرت گفتار،
اوزو چيركين ديلي بيمار،
گنج وقتينده دل آزار،
گوره سن كيمدي خطاكار،
گوره سن كيمدي خطاكار!؟
شاعر :عاصم اردبيلي
اردبيل 10/6/1365
يوخاريدا اولان شعرين ديكلمه سين اندير
(بو لينك فيــــل تردئ دانلود منيجرينن انديرئن)
يوخاريدا اولان شعرين ديكلمه سين اندير
(بو دا بير آيري ديكلمه بو شعريدن غملي توركي موزيكينن باهم)
حتما دانلود الين
ترجمه فارسي شعر فوق
************************************
ايكينجي بهلول - عاصم اردبيلي
كئجه ني صوبح ائله ييبدر، چيخيب
ائودن، آلاتوردان، يازيق انسان، چوخ هراسان، گينه بو شهريميزين بهلولي
يارب، باشيني تيكميش اشاقه، قوتين شالميش اياقه، كوركي چيگنينده، همان
كورك كي گوندوزلري نين پالتاري، آمما گئجه لر يورقاني اولموش، سانكي
شيرين جاني اولموش، گئدير آنجاق هايانا، كيم نه بيلير هئچ ديمگ اولماز،
اوكي هر كسله دانيشماز، او اگر كوسسه باريشماز، مال دونيايه ساريشماز،
اونا دنياده يانان يوخ، اوره گينده قالانان دردي قانان يوخ، بير نفر ياده
سالان يوخ، هاينيا بيرده قالان يوخ،
او بير انساندي پوزولموش
آدي انسانلار ايچيندن، ديردي آمما اولوبدور، همي آج دير، همي توخدور،
باخيشي زهرلي اوخدور، همي واردير، همي يوخدور، دئيي سن واردير، هاني دفتر آماريده آدي، هاني قنديله نباتي، هاني ياغي، هاني يانماغه چراغي، هاني بس ايستي اوتاقي، هاني آروادي اوشاقي، نييه بس كوردي اوجاقي!
وار سانير سان، دء گوروم ايستيه كوچ
ائيليه يه بير گون بو جهاندان او جهانه، باشي نين اوستده اوگون آغليا
جاقسان؟ اونا ياس ساخليا جاقسان؟ باجي وار باشيني يولسون؟ دوستي وار
گوزلري دولسون، بالا وار گول كيمي سولسون؟ آتا واردير اره ييب شام كيمي
هجرينده سو اولسون؟ او بير انساندي بئزيكميش هامي انسانلار اليندن، بير
نفر اينجي يه، حاشا نه اليندن نه ديليندن، گئري توشموش اوز ائليندن،
آتالاردان، بابالاردان، بيز اوچون ياخجي نشاندير، اوزو بهلول زاماندير،
سوزلريندنده عياندير، ده لي دير
پالتاري جيرماز ، ده لي دير باشه چيغيرماز، ده لي دير بير كسي وورماز، ده
لي دير آمما تاري لان توخونان رشته ني قير ماز، آمما گاهدان تارييا
شيلتاق ائدر خيردا اوشاق تك، پنيرين قارقا آپارسا، يا اوشاقلار داشا
باسسا، اوزو بيگلر اله سالسا، اوندا دير ترسه باخار ماوي سمايه، ترپه دير ديل دوداقي آمما سسي آشكارا چيخماز.
نئجه كي بير دونه آخشام چاغي من ناظر
بير صحنه سي اولدم، آز قاليردي كه بيزيم انقلابين شانلي آغاجي بارا
دولسون، گونش آچسين، ايشيقين عالمه ساچسين، آغ گوير چين قفسين سينديراراق
قول قاناد آچسين، كي بير افسر بئله بير دردلي انساني غضب سيلي سينه بير
گئجه مهمان ائله دي، بلي دنيا بئله دي،
بئله بير قورقوكي ايللر بويو حكم ائيلريدي بيزلره شاهلار نظاميندا،
زورلي زورسيز اياميندا، باج آلانلار ايناميندا، حقه باطل ديوبن باطلي حق
جلوه وئرنلر، اوزو قورد آمما قويون پالتاري خلق ايچره گيه نلر، قونشوسي
آج ياتوبن اوزرلري بئش وعده ييه نلر، سونراگوز داغي وئرنلر، مرده نامرد
دييه نلر، بئله بيرقورقونو ائتميشد يله ملته حاكم، نه عدالت! نه محاكم!
اونا بير سيلي ووروب قهريله بيچاره ييخليدي، اوره گيم ياندي سيخيلدي،
دوردو يئردن آياغا كوركونو اوز چيگنينه سالدي، اونا بير سوز ديوبن هامي
نين آراميني آلدي، دردي درد اوستده قالاندي، داي سكوت ائيله مه ييب نوطقه گليب صبري تالاندي، دئدي يئرگويده يالاندي؟سيل گوزون باخ گيله دقتله گويه، گورنه گورورسن، باخ گور الدوزلاري خلق ايئله ين آللاه نه سئوير، سن نه سئويرسن؟
************************************
گؤزليم! سالما گؤزوندن مني، بيگانه كيمين
اذن وئر، شوط ائديم اطرافيني پروانه كيمين
بخت آئينه سي تك، سيل اوره گيندن كدري
تا صداقت باخيشيندان جوشا، ميخانه كيمين
اوخو عشقين كيتابين، سئوگي دن افسانه ياراد
كؤنلومو شوقيله سرشار ائله، پيمانه كيمين
روحوم آشوفته دي، زولفون كيمي آي سيزدي گئجه م
بو پريشانليغا بير نظم ياراد شانه كيمين
گل گؤزللر آرا، بي رحميليگ آيينني پوز
سالما اؤز عاشيقيني چوللره، ديوانه كيمين
بولبولم، قهر زمان، باغدان اوزه ندن اليمي
قارا خاليندي چكن دامه مني دانه كيمين
گل ملامت داشي آلتيندا، بو بيچاره كؤنول
تالانيب قيش گونو، تاراجه گئدن لانه كيمين
گون كئچيب، آي دولانيب، ايللر اؤتوبدور هله ده
سينه ده ساخلاميشام گنجيمي ويرانه كيمين
گلمه دين، اوندا كي جان دردينه درمان واريدي
ايندي درمان دا منه درد دي جانانه كيمين
عاصمين طبعي، صداقت بولاغيندان سو ايچير
گر چي دؤزگونلوگ، اولوب دهرده افسانه كيمين
عاصم اردبيلي
************************************بوباغين بولبولو بيرده ن بيره لال اولدو نه دن؟
قوزقونا قارقايا جولانه مجال اولدو نه دن؟
شانلي يازكسميشيدي قاره قيشين بوز نفسين
يازا چيخميش صونالار غرق ملال اولدو نه دن؟
هانكي صرصر الي پرپر ائله دي گول چيچگي
بو برومند آغاجين ميوه سي كال اولدو نه دن؟
بيز كي جان جان دئمه ديك اولكه ده قان قان دئينه
سئوگي منظومه سي حال اهلينه قال اولدو نه دن؟
مِيِ انگوري سؤزوم يوخ كي حرام ايدي بيزه
انسانين قانيني نوش ائتمه ك حلال اولدو نه دن؟
بيز بيلرديك كي دوغولماز يئني دن رستم زال
يوردون حرّاجه قويان رستم زال اولدو نه دن؟
ايسته ديك سيره چيخاق ماوي سمالرده بير آن
سيندي قُول ياندي قاناد سير محال اولدو نه دن؟
آي كيمين آيدين يدي (عاصمه) ناحقّيله حق
پس حقين قامت موزونو هلال اولدو نه دن؟
صالح عاصم اردبيلي
************************************
گوزون دولوب سوز اي لن بيلميره م گوزون ده نه وار؟
اوزون گورن ده ديليم لال اولور اوزون ده نه وار؟
باخان دا شـوق ايله شمشاد مثـلي قامت اينه
تاپانميرام اوزومــو نازنين اوزون ده نه وار؟
آجي سوزون منه بال دان شيرين دي بير سوزه گل
اوزون بويور بو معما نه دير؟ سوزون ده نه وار؟
نه كوزدو كونلومو ياخديقجا داغ لي لاله بيته ر؟
بو شـوره زاري گلستان ائده ن كوزون ده نه وار؟
عومور يازين دا كي كونلوم سن ايله يازلاندي
او يازلا يازلانيرام دادميشام گوزون ده نه وار؟
او گون كي آيريليقا چاره، دوز، دئدين هله ليك
اطاعتين ده وار عاصم گوره دوزونده نه وار؟
دئمه اوزون ده، سوزون ده، گوزون ده اولدوغونو
گوزون دولوب سوز ايلن كاش بيله ام گوزون ده نه وار؟
عاصم اردبيلي
************************************
گل بوشان شان اوره گين قصه سين انشاءائله گئت
بيربه بير ووردوغون اوخلاره تماشا ائله گئت
آيريليق دان نظر ائت گوزده ن آخان قان ياشيما
قطره لرده ن توره نن چشمه ني دريا ائله گئت
گيزلي اسراريمي ائل ده ن ائله ديل ده ن ديله سال
سن ده مجنونونو ائللر آرا رسوا ائله گئت
داغلي يام بارلي باغين پنجره سين آچ اوزومه
قاراقيش دان قارالان باغريمي احيا ائله گئت
بير باخيش سئوگي يه ايللر بويو حسرت ده وارام
گل گولوم گل اونو بو جان ايله سودا ائله گئت
قتليمين حوكمونو سن سيزليگيم امضا ائلئيب
گل بو محكومون اوزون حوكمونو اجرا ائله گئت
ظلماتين داش قلعه سين ده ن باشا داش ياغمادادير
تكجه بير جلوه قارانليق دا تماشا ائله گئت
باخ بو وحشت ده بوغولموش آجي قيشقيرتي لارا
لال سكوت دان دوغولان هاي كويو معنا ائله گئت
گئجه نين باغلا قارا معجرين آيدين سحره
گوندوزون خيمه سيني اولكه ده برپا ائله گئت
عاصمين دردي آغير اولسادا يونگول دو يوكو
گل بو قارقانميش ايلان كوسمه مدارا ائله گئت
استاد عاصم اردبيلي
|
